jungjunan
hampura
hampura
poe ieu
kula di dieu keneh
poe ieu
kula can bisa nepungan
tutungkusan nu kapanggih
ngan saukur dua
ngan harianeun
nu hiji
tutungkusan teh kosong
di korek
di kodok
angger……..
kosong
hu hiji deui
asa ku siga bener
jelas tutungkusan teh
tutungkusan kabuyutan
teu samar
teu kamalihan
ngan geuning malawading
eusina : beda wanda, beda kelir
wanda anyar… kelir anyar…
inget pitutur anjeun
‘wanda kieu lain nu kami’
‘kelir kieu lain nu kami’
hampura
hampura
jungjunan
poe ieu
jangji can tedun
poe ieu
sumpah can laksana
sadu………
